STONEX S599

STONEX · GNSS приемници

Stonex S599 е ултракомпактен GNSS приемник наменет за, геодетски мерења, аквизиција на податоци за GIS потреби и работа со OnePole конфигурација. И покрај малите димензии, приемникот располага со 1408 канали и ги следи сите главни сателитски констелации. Брзината на позиционирање е до 20 Hz, а поддршката за B2b PPP и Galileo HAS овозможува користење и на напредни сервиси за корекции. Интегрираната IMU овозможува мерење со наклон на летвата до ±60°, со брза иницијализација и без потреба од комплицирана калибрација. Камерата од 2 MP се користи за визуелно AR исколчување и прикажува насока и растојание до целната точка во реалната сцена. S599 може да се поврзе со Android контролер или телефон преку Bluetooth и Wi-Fi, а USB Type-C се користи за полнење и пренос на податоци. За работа со радио корекции може да се користи надворешен радио-модем. Со димензии од само 98 × 98 × 46 mm и маса од приближно 385 g, приемникот е лесен за носење и погоден за долготрајна работа. Вградената батерија од 6000 mAh обезбедува до 12 часа автономија. IP68 заштитата, отпорноста на пад до 1,5 m и работниот опсег од -30 °C до +60 °C го прават практичен за разновидни GIS и теренски апликации.